सामान्य बिरामीको आकस्मिक सेवामा उपचार गर्दा निजी स्वास्थ्य संस्थाले बीमा दाबी भुक्तानी नपाउने
काठमाडौं । स्वास्थ्य बीमा कार्यक्रमअन्तर्गत निजी स्वास्थ्य संस्थाले सामान्य बिरामीको आकस्मिक सेवाअन्तर्गत उपचार गरेमा बीमा दाबी भुक्तानी नपाउने भएका छन्।
स्वास्थ्य बीमा कार्यक्रममा आबद्ध निजी स्वास्थ्य सेवा प्रदाक संस्थाका नाममा आज जेठ १८ गते एउटा परिपत्र जारी गर्दै स्वास्थ्य बीमा बोर्डले यस्तो निर्णय गरेको हो। बीमा बोर्डले जेठ १२ गते निर्णयलाई आधार मान्दै यस्तो निर्णय गरिएको जानकारी गराएको छ।
गत जेठ १२ गते बीमा बोर्डले वित्तीय संकटलाई ध्यानमा राख्दै निजी अस्पतालबाट आकस्मिक सेवाबाहेकका अन्य स्वास्थ्य बीमा सेवा स्थगित गरेको थियो। तर, निजी स्वास्थ्य संस्थामा आकस्मिक सेवामार्फत स्वास्थ्य बीमाको सेवा लिन बीमितको भीड बढ्न थालेपछि बोर्डले यो परिपत्र जारी गरेको हो।
परिपत्रमा जेठ १२ गतेको निर्णय कार्यान्वयनका क्रममा कुनै बिरामीको स्वास्थ्य अवस्थामा आकस्मिक उपचार आवश्यक पर्ने प्रकृतिको देखिएमा मात्र आकस्मिक स्वास्थ्य सेवा प्रदान गर्न निजी स्वास्थ्य संस्थालाई निर्देशन दिइएको छ। त्यस्ता आकस्मिक बिरामीलाई उपचारका क्रममा भर्ना (आईपीडी) वा शल्यक्रिया (ओटी)समेत आवश्यक पर्ने भएमा उपचार उद्धतिअनुसार उपचार गरी डिस्चार्ज गर्न सकिने बोर्डले जनाएको छ।
सम्बन्धित समाचार
निजी अस्पतालमा स्वास्थ्य बीमा सेवा कटौती
काठमाडौं । सरकारले निजी अस्पतालमा स्वास्थ्य बीमा सेवा कटौती गरेको छ । स्वास्थ्य बीमा कार्यक्रम गम्भीर संकटमा धकेलिएको संकेत गर्दै स्वास्थ्य बीमा...
गेडागुडी र भटमास बढी खाँदा उच्च रक्तचापको जोखिम ३० प्रतिशत कम
काठमाडौं । गेडागुडी र भटमासजन्य खानेकुराहरूको नियमित सेवन उच्च रक्तचापको जोखिम कम गर्न निकै प्रभावकारी हुने एक नयाँ अनुसन्धानले देखाएको छ। ‘बीएमजे...
पूर्ण खोपबाट ४० हजार बढी बालबालिका वञ्चित
काठमाडौं । नेपालमा अझै पनि ८ प्रतिशत बालबालिका पूर्ण खोप सेवाबाट वञ्चित रहेको तथ्य सार्वजनिक भएको छ। आर्थिक सर्वेक्षण २०८२/०८३ अनुसार सन् २०२५ मा ९२...
अस्वस्थ जीवनशैलीले बढ्दै उच्च रक्तचाप
काठमाडौं । नेपालमा अस्वस्थकर खानपान र बदलिँदो जीवनशैलीका कारण उच्च रक्तचापका बिरामीको संख्या निरन्तर बढ्दै गएको स्वास्थ्य विज्ञहरूले बताएका...
