वैशाख २८ गते संसद् अधिवेशन आह्वान गर्न सरकारको सिफारिस

काठमाडौं । सरकारले संघीय संसद्को दुवै सदनको अधिवेशन आह्वान गर्न राष्ट्रपतिसमक्ष सिफारिस गर्ने निर्णय गरेको छ। आज सिंहदरबारमा बसेको मन्त्रिपरिषद् बैठकले प्रतिनिधि सभा र राष्ट्रिय सभाको अधिवेशन आह्वानका लागि सिफारिस गर्ने निर्णय गरेको हो।
सरकारका प्रवक्ता सस्मित पोखरेलका अनुसार वैशाख २८ गते दिउँसो २ बजे संघीय संसद्का दुवै सदनको अधिवेशन आह्वान गर्न सिफारिस गरिएको छ।

सरकारको यो निर्णयसँगै आगामी अधिवेशनमा समसामयिक राजनीतिक विषय, नीति तथा कार्यक्रम, बजेट तयारीलगायतका महत्वपूर्ण एजेन्डामा छलफल हुने अपेक्षा गरिएको छ। साथै, विभिन्न विधेयकहरू अघि बढाउने र आवश्यक कानुनी प्रक्रिया पूरा गर्ने तयारीसमेत गरिने जनाइएको छ।

संविधानअनुसार संसद् अधिवेशन आह्वान गर्ने अधिकार राष्ट्रपतिमा रहने भए पनि सरकारको सिफारिसका आधारमा अधिवेशन बोलाइने प्रचलन रहेको छ।

थप समाचार

पूर्वाधार वित्त पोषणको नयाँ मोडल लागु गर्ने, आयोजना पुरा नभएसम्म…

बजेटको सिद्धान्त र प्राथमिकता बिहीबार संसदमा प्रस्तुत हुने

आज देशका अधिकांश स्थानमा मौसम सुधारको सम्भावना कम

एमाले संसदीय दलको उपनेतामा अर्याल

एसईई नतिजा चित्त नबुझे विद्यार्थीले उत्तरपुस्तिकासमेत हेर्न पाउने

पथलैया–अमलेखगञ्ज खण्डमा वन्यजन्तुमैत्री ‘ओभरपास’ निर्माणको प्रस्ताव