सुनचाँदीको मूल्यमा वृद्धि: सुन प्रतितोला १,७०० र चाँदी ८५ रूपैयाँले बढ्यो

काठमाडौं। स्थानीय बजारमा आज (बुधबार) सुन र चाँदी दुवैको मूल्यमा वृद्धि भएको छ। नेपाल सुनचाँदी व्यवसायी महासंघका अनुसार आज सुनको मूल्य प्रतितोला  एक हजार ७०० र चाँदीको मूल्य प्रतितोला  ८५ रूपैयाँले बढेको छ।

मूल्य वृद्धि भएसँगै आज छापावाल सुन प्रतितोला रु तीन लाख एक हजार ८०० मा कारोबार भइरहेको छ। यसअघि मंगलबार छापावाल सुन प्रतितोला  तीन लाख १०० मा कारोबार भएको थियो।

त्यसैगरी, आज चाँदीको मूल्य प्रतितोला  चार हजार ६८५ कायम भएको छ। मंगलबार चाँदी प्रतितोला रु चार हजार ६०० मा बिक्री वितरण भएको थियो।