सुनको मूल्य तोलामा ३ हजार ६०० ले बढ्यो, चाँदी पनि उकालो लाग्यो

काठमाडौँ। नेपाली बजारमा चालु साता सुनचाँदीको मूल्यमा ठूलो उतारचढाव देखिएको छ। बिहीबारको तुलनामा शुक्रबार सुनको मूल्यमा उल्लेख्य वृद्धि भएको छ। अघिल्ला दिनहरूमा ओरालो लागेको सुनको मूल्य शुक्रबार एकैदिन तोलामा ३ हजार ६०० रुपैयाँले बढेको नेपाल सुनचाँदी व्यवसायी महासंघले जनाएको छ।

मूल्यमा भारी वृद्धि भएसँगै शुक्रबार छापावाल सुनको मूल्य प्रतितोला ३ लाख ३ हजार १०० रुपैयाँ कायम भएको छ।

साताको पहिलो दिन आइतबार उकालो लागेको सुनचाँदीको कारोबार सोमबार, मंगलबार र बिहीबार ओरालो लागेको थियो भने बुधबार र शुक्रबार पुनः बढेको हो।

यसअघि बिहीबार सुनको मूल्य तोलामा २ हजार ३०० रुपैयाँले घटेर २ लाख ९९ हजार ५०० रुपैयाँमा झरेको थियो। बुधबार भने १ हजार ७०० रुपैयाँले बढेर ३ लाख १ हजार ८०० रुपैयाँ पुगेको सुनको मूल्य मंगलबार ९०० रुपैयाँले घटेर ३ लाख १०० रुपैयाँ कायम भएको थियो।

त्यस्तै, साताको दोस्रो दिन सोमबार तोलामा १ हजार २०० रुपैयाँ घटेर ३ लाख १ हजार रुपैयाँमा कारोबार भएको सुन आइतबार १ हजार २०० रुपैयाँ नै बढेर ३ लाख २ हजार २०० रुपैयाँ पुगेको थियो।

सुनसँगै शुक्रबार चाँदीको मूल्य पनि बढेको छ। महासंघका अनुसार चाँदीको मूल्य तोलामा १५० रुपैयाँले बढेर प्रतितोला ४ हजार ७७५ रुपैयाँ कायम भएको छ। बिहीबार चाँदीको मूल्य ६० रुपैयाँले घटेर ४ हजार ६२५ रुपैयाँमा कारोबार भएको थियो।

बुधबार ८५ रुपैयाँले बढेर ४ हजार ६८५ रुपैयाँ पुगेको चाँदी मंगलबार २० रुपैयाँले घट्दै ४ हजार ६०० रुपैयाँमा झरेको थियो। त्यसैगरी सोमबार ४० रुपैयाँले घटेर ४ हजार ६२० रुपैयाँमा कारोबार भएको चाँदी आइतबार तोलामा ६० रुपैयाँले बढेर ४ हजार ६६० रुपैयाँ पुगेको थियो।