इरानविरुद्ध युद्ध शुरू गरेकोमा कुनै पछुतो छैनः ट्रम्प

काठमाडौं । अमेरिकी राष्ट्रपति डोनाल्ड ट्रम्पले आगामी नोभेम्बरमा हुने अमेरिकी मध्यावधि निर्वाचनमा युद्धको असर पर्ने भए तापनि इरानविरुद्ध युद्ध शुरू गरेकोमा आफूलाई कुनै पश्चात्ताप नरहेको बताएका छन्।

‘फक्स न्युज’ कि प्रस्तोता लोरा इन्ग्रामसँगको अन्तर्वार्ताका क्रममा निर्वाचनमा पर्ने प्रभावलाई ध्यानमा राख्दै इरानविरुद्धको युद्धप्रति कुनै खेद छ कि भनेर सोधिएको प्रश्नमा ट्रम्पले भने, “म ‘पश्चात्ताप’ भन्ने शब्दमा विश्वास गर्दिनँ। तर तपाईँ सधैँ आफूमाथि केही प्रश्न भने उठाउन सक्नुहुन्छ।”

बिहीबार प्रसारित “द इन्ग्राम एंगल” कार्यक्रममा बोल्दै ट्रम्पले थपे, “यदि मैले यो कार्य पुनः दोहोऱ्याउनु परेको खण्डमा पनि म ठ्याक्कै त्यही गर्ने थिएँ, जुन मैले पहिले गरेँ।”

यसैबीच, ट्रम्पले आफ्ना केही समर्थकहरू युद्धका कारण क्रुद्ध र हतोत्साहित भएका छन् भन्ने दाबीहरूलाई समेत खारेज गरिदिएका छन्।