काठमाडौं। राष्ट्रिय स्वतन्त्र पार्टी (रास्वपा) का सभापति रवि लामिछानेले समसामयिक राजनीतिक विषयमा छलफल गर्न सर्वदलीय बैठक बोलाएका छन्।
उनले आज सोमबार बिहान ९:०० बजेका लागि सो बैठक बोलाएका हुन्। सिंहदरबारस्थित संघीय संसद् सचिवालयअन्तर्गत सार्वजनिक लेखासमितिको हलमा बस्ने तय भएको यस बैठकका बारेमा रास्वपाका महामन्त्री कविन्द्र बुर्लाकोटीले जानकारी दिएका छन् ।
बैठकमा प्रतिनिधिसभा र राष्ट्रियसभामा प्रतिनिधित्व गर्ने राजनीतिक दलबाट पार्टी अध्यक्ष वा सभापतिसहित दुई-दुई जना नेताहरूलाई आमन्त्रण गरिएको छ।
सर्वदलीय बैठकको सूचना र आमन्त्रणसहितको अनुरोध पत्र प्रतिनिधिसभा र राष्ट्रियसभामा प्रतिनिधित्व गर्ने सबै राजनीतिक दलहरूलाई पठाइसकिएको महामन्त्री बुर्लाकोटीले स्पष्ट पारेका छन्।
पछिल्लो समय राजनीतिक समीकरणमा देखिएका उतारचढाव र जनसरोकारका मुद्दाहरूका बीच रास्वपाले चालेको यो कदमलाई राजनीतिक वृत्तमा महत्त्वका साथ हेरिएको छ।
दलहरूबीच साझा धारणा निर्माण गर्न र संसद्लाई थप प्रभावकारी बनाउन यो सर्वदलीय छलफलले ठोस मार्गचित्र तय गर्ने अपेक्षा राखिएको छ।
क्याटेगोरी : राजनीति
प्रतिक्रिया