जिउँदो कुकुरलाई खोलामा फ्याँक्ने महिला पक्राउ

जिउँदो कुकुरलाई खोलामा फ्याँक्ने महिला पक्राउ परेकी छन् । जिल्ला प्रहरी कार्यालय,बझाङले स्थानीय विमलादेवी रोकायालाई हिजो समातेको हो । उनलाई अदालतमा उपस्थित गराउने तयारी भइरहेको कार्यालयका सूचना अधिकारी प्रहरी निरीक्षक दिपक बिष्टले बताए । 

जनआस्थासँग उनले भने,‘उहाँ हाम्रै हिरासतमा हुनुहुन्छ । उहाँलाई आज नभए सोमबार अदालतमा उपस्थित गराउँछौं ।’ भदौ ३१ गते जिल्ला सदरमुकाम चैनपुरस्थित पानकोट पुलबाट जिउँदो कुकुरलाई सेती नदीमा फालेको भिडियो सार्वजनिक गरिएको थियो । 

सामाजिक सञ्जालमा भिडियो भाइरल बनेपछि प्रहरीले अनुसन्धान अगाडि बढायो । सो क्रममा उनलाई हिजो नियन्त्रणमा लिइएको हो ।