शेयर कारोबारमा लाभ कर घटाउने मन्त्रिपरिषद्को निर्णय

काठमाडौं । सरकारले शेयर कारोबारमा लाभ कर घटाउने निर्णय गरेको छ ।

बुधबार बसेको मन्त्रिपरिषद्को बैठकले उक्त निर्णय गरेको सरकारका प्रवक्ता सस्मित पोखरेलले बताए । ‘३६५ दिनभन्दा बढी स्वामित्वमा रहेकाका लागि ३.५ प्रतिशत लाभ कर त्यसभन्दा बढीका लागि पाँच प्रतिशत अग्रिम कर कायम गरिएको छ । यसअघि ३६५ दिनभन्दा बढी स्वामित्वमा रहेकाका लागि ७.५ प्रतिशत र त्यो भन्दा कमका लागि १० प्रतिशत थियो’ मन्त्री पोखरेलले भने ।

अर्थ मन्त्रालयले पुँजीबजार पुनरुत्थान कार्ययोजनामा उक्त प्रस्ताव ल्याएको थियो । मन्त्रिपरिषद्ले उक्त प्रस्ताव स्वीकृत गरेको हो । यस्तै, बैठकले सरकारी सेवा डिजिटल बनाउनेसम्बन्धी नियमावली स्वीकृत गरेको छ ।