काठमाडौं । देशभरमा ५९ वटा ग्यास उद्योग छन् । तर ५७ वटा एलपी ग्यास बोटलिङ प्लान्टहरूले ‘नेपाल गुणस्तर (NS)’ प्रमाणीकरण प्राप्त गरेको गुणस्तर तथा नापतौल विभागले जनाएको छ । नेपाल गुणस्तर तथा नापतौल विभागले तोकेको सुरक्षा र गुणस्तरको मापदण्ड पूरा गरेपछि यी उद्योगहरूले इजाजतपत्र प्राप्त गरेको जनाएको छ ।
हाल सार्वजनिक गरिएको सूचीअनुसार यी उद्योगहरूले ग्यासको सिलिन्डर परीक्षण, बोटलिङ प्रक्रिया र सुरक्षा उपायहरूमा सरकारी मापदण्ड (NS 533) पालना गरेको देखिएको छ ।
तथ्याङ्कअनुसार यी उद्योगहरूको इजाजतपत्रको वैधता अवधि फरक-फरक रहेको छ । अधिकांश उद्योगहरूको इजाजतपत्र विक्रम संवत् २०८३ देखि २०८५ सम्म नवीकरण गरिएको छ । पछिल्लो समय सरकारले गुणस्तर चिन्ह अनिवार्य गरेपछि ग्यास उद्योगहरूले आफ्नो प्लान्टलाई प्रविधिमैत्री र सुरक्षित बनाउन लगानी बढाएका छन् ।
ग्यास उद्योगले एनएस चिन्ह पाउनुको अर्थ ती उद्योगबाट उत्पादित ग्यास सिलिन्डरहरू सुरक्षित छन् र तौलमा ठगी हुने सम्भावना कम रहन्छ भन्ने हो। विभागले नियमित अनुगमन गरी मापदण्ड नपुग्ने उद्योगको इजाजतपत्र खारेज वा निलम्बन समेत गर्ने गरेको छ ।
https://drive.google.com/file/d/1ewpEzsZ53pejGEPurL3gnisxZ8M_Swkw/view?usp=sharing
क्याटेगोरी : समाचार
प्रतिक्रिया