पोखरा। पोखरा अन्तर्राष्ट्रिय विमानस्थलबाट संयुक्त अरब इमिरेट्सको दुबईका लागि नियमित अन्तर्राष्ट्रिय व्यावसायिक हवाई उडान सञ्चालन हुने भएको छ। आगामी २३ सेप्टेम्बर २०२६ देखि उडान सुरु हुने जानकारीसँगै उक्त रुटका लागि टिकट बुकिङ खुला गरिएको छ।
पोखरास्थित पोखरा अन्तर्राष्ट्रिय विमानस्थलबाट सञ्चालन हुने यो सेवा नियमित अन्तर्राष्ट्रिय उडानको रूपमा पहिलो चरणको महत्वपूर्ण विस्तार मानिएको छ। विमानस्थलको उद्घाटन १ जनवरी २०२३ मा तत्कालीन प्रधानमन्त्री पुष्पकमल दाहालले गरेका थिए।
करिब पाँच दशकको प्रतीक्षा, स्थानीय दबाब र पर्यटन व्यवसायीहरूको लामो पहलपछि निर्माण सम्पन्न भएको यो विमानस्थल उद्घाटनपछि केही चार्टर उडानबाहेक नियमित अन्तर्राष्ट्रिय व्यावसायिक सेवा सञ्चालनमा आउन सकेको थिएन। यसबीच चीन र भुटानतर्फ सीमित चार्टर उडान तथा एकपटक हवाई एम्बुलेन्स सेवा मात्रै सञ्चालन भएको थियो।
अब दुबई रुटमा नियमित उडान सुरु भएसँगै पोखराको अन्तर्राष्ट्रिय हवाई पहुँच विस्तार हुने अपेक्षा गरिएको छ। दुवईसम्मको यो सीधा सेवा पर्यटन, व्यापार, वैदेशिक रोजगारी र अन्तर्राष्ट्रिय आवागमनका लागि महत्वपूर्ण अवसर हुनेछ।
साथै, दुबई हुँदै विश्वका विभिन्न गन्तव्यमा सहज कनेक्टिभिटी बढ्ने र गण्डकी प्रदेश तथा समग्र नेपालको आर्थिक गतिविधिमा सकारात्मक प्रभाव पर्ने विश्वास गरिएको छ।
यसलाई पोखराको अन्तर्राष्ट्रिय पहिचान सुदृढ गर्ने ऐतिहासिक उपलब्धिका रूपमा समेत हेरिएको छ।
काठमाडौं । पोखराबाट संयुक्त अरब इमिरेट्सको दुबई सहरका लागि नियमित अन्तर्राष्ट्रिय व्यावसायिक हवाई उडान सञ्चालन हुने भएको छ । आगामी २३ सेप्टेम्बर २०२६ देखि सञ्चालन हुने उक्त उडानका लागि टिकट बुकिङ खुला गरिएको छ।
पोखरा अन्तर्राष्ट्रिय विमानस्थलको उद्घाटन १ जनवरी २०२३ मा तत्कालीन प्रधानमन्त्री पुष्पकमल दाहालद्वारा गरिएको थियो। करिब पाँच दशक लामो प्रतीक्षा, पोखरेलीहरूको निरन्तर दबाब, पर्यटन व्यवसायीहरूको पहल तथा विभिन्न चरणमा भएका संघर्षपछि निर्माण सम्पन्न भएको यो विमानस्थल पोखरेलीहरूको गौरवको आयोजना हो ।
विमानस्थल सञ्चालनमा आएपछि पनि नियमित अन्तर्राष्ट्रिय व्यावसायिक उडान भने हुन सकेको थिएन। यस अवधिमा चीन र भुटानका विभिन्न गन्तव्यमा चार्टर उडानहरू सञ्चालन भएका थिए। त्यस्तै भारतमा एकपटक हवाई एम्बुलेन्समार्फत बिरामी ओसारपसारका लागि उडान गरिएको थियो। तर नियमित अन्तर्राष्ट्रिय व्यावसायिक हवाई सेवा सुरु हुन नसक्दा विमानस्थलको प्रभावकारी उपयोगबारे निरन्तर प्रश्न उठ्दै आएको थियो।
अब दुबईका लागि नियमित अन्तर्राष्ट्रिय उडान सञ्चालन हुन लागेसँगै पोखरा अन्तर्राष्ट्रिय विमानस्थलले आफ्नो मूल उद्देश्यअनुसार अन्तर्राष्ट्रिय हवाई सेवाको ढोका खोल्न सफल भएको मानिएको छ।
अब दुबईका लागि नियमित उडान सुरु हुनु पोखरा, गण्डकी प्रदेश र समग्र नेपालको पर्यटन, व्यापार तथा आर्थिक विकासका लागि ऐतिहासिक उपलब्धि हुने भएको छ ।
उनका अनुसार २३ सेप्टेम्बर २०२६ देखि सञ्चालन हुने उक्त उडानका लागि टिकट बुकिङ खुला भइसकेको छ। इच्छुक यात्रुहरूले सम्बन्धित वायुसेवा कम्पनीको आधिकारिक वेबसाइट तथा नजिकको ट्राभल एजेन्सीमार्फत टिकट बुक गर्न सक्नेछन्।
पोखराबाट दुबईको नियमित हवाई सेवा सञ्चालनसँगै पर्यटन प्रवर्द्धन, व्यापार विस्तार, वैदेशिक रोजगारी तथा अन्तर्राष्ट्रिय आवागमनमा नयाँ अवसर सिर्जना हुने अपेक्षा गरिएको छ। साथै दुबई हुँदै विश्वका विभिन्न मुलुकमा सहज हवाई पहुँच विस्तार हुने विश्वास गरिएको छ।
पोखराबाट नियमित अन्तर्राष्ट्रिय व्यावसायिक उडानको सुरुवातलाई केवल हवाई सेवा विस्तारका रूपमा मात्र नभई पोखराको अन्तर्राष्ट्रिय पहिचानलाई थप सुदृढ बनाउने ऐतिहासिक कदमका रूपमा हेरिएको छ ।
क्याटेगोरी : समाचार
प्रतिक्रिया