मूल्यवृद्धिको विरोधमा देशभरका निर्माण व्यवसायी आन्दोलित

काठमाडौं । पछिल्लो पटक अन्तराष्ट्रियस्तरमा इन्धनको मूल्यवृद्धिको असर नेपालमा पनि देखिन थालेसँगै आजदेखि निर्माण व्यवसायीहरुले निर्माण कार्य रोकेर आन्दोलनमा उत्रिएका छन् ।

नेपाल निर्माण व्यवसायी महासंघले आजदेखि निर्माण आयोजनाको काम रोकेर सरकारी कार्यालयमा धर्ना र घेराऊ गर्ने कार्यक्रम थालेको हो ।

महासंघले ७७ वटै जिल्लाका प्रमुख जिल्ला अधिकारीलाई ज्ञापनपत्र बुझाउनेलगायतका आन्दोलनका कार्यक्रम तय गरिएको छ । इन्धनको मूल्यवृद्धिका कारण सिमेन्ट, डण्डी, बालुवाजस्ता निर्माण सामग्रीको मूल्य बढेको र बिटुमिनलगायतको अभावका कारण पनि निर्माण कार्यमा प्रत्यक्ष असर गरेको निर्माण व्यवसायीको निष्कर्ष छ ।

निर्माण व्यवसायीहरुले मूल्य समायोजन निर्देशिका तत्काल ल्याउन माग गरेका छन् भने मूल्यवृद्धिका कारण परेको असरमा सहुलियत दिनुपर्ने माग गरेका छन् ।

थप समाचार

नक्कली गहना धितो राखेर कर्जा, समातिए तीन आरोपित

बन्दीपुर अस्पताललाई ४० लाख मूल्यका उपकरण प्रदान

रास्वपाले माग्यो सांसदलाई स्वकीय सचिवको सुविधा

भारतले चिनी निर्यातमा लगायो प्रतिबन्ध

नेपाली महावाणिज्यदूतावास, ड्यालसद्वारा पाँच लाख ३० हजार राजस्व सङ्कलन

सम्पत्ति विवरण बुझाउन पूर्व प्रधानमन्त्रीदेखि उच्च कर्मचारीसम्मलाई आयोगको ३० दिने…