जेनजी सांसदलाई सिंहदरबार बोलाइयो

प्रधानमन्त्री बालेन्द्र साहले 'जेनजी सांसद'हरूलाई छलफलमा बोलाएका छन् । 

सिंहदरबारस्थित प्रधानमन्त्री तथा मन्त्रिपरिषद कार्यालयमा मध्याह्न १२ बजे उपस्थित हुन खबर आएको एक सांसदले जानकारी दिए । छलफलको विषयबारे भने खुलाइएको छैन । 

पछिल्ला दिन जेनजी आन्दोलनका शहीद परिवार र राष्ट्रिय स्वतन्त्र पार्टी (रास्वपा) नेतृत्वबीच सार्वजनिकरुपमै आरोप प्रत्यारोप चलिरहेको छ । जेनजी दिवसको दिन बानेश्वरमा आयोजित कार्यक्रममा गृहमन्त्री सुधन गुरुङको प्रस्तुति र विवादित धर्म गुरुको सहभागितालाई लिएर रास्वपा सचेतक क्रान्तिशिखा धितालले प्रश्न उठाएपछि शुरु भएको विवाद संसदसम्म पुगेको छ ।

शहीद परिवारका सदस्यको तर्फबाट धितालमाथि आक्रमणको धम्की आएको भन्दै हिजोको प्रतिनिधिसभा बैठकमा उक्त पार्टीका महामन्त्री विपिन आचार्यले आपत्ति जनाएका थिए ।