काठमाडौं । ग्लोबल पिस इन्डेक्सले सन् २०२६ का लागि सार्वजनिक गरेको नयाँ प्रतिवेदनअनुसार विश्वका १६३ देशमध्ये आइसल्यान्ड फेरि पनि सबैभन्दा शान्तिपूर्ण देश बनेको छ। यो लगातार १९ औँ वर्ष हो, जब आइसल्यान्डले शीर्ष स्थान कायम राख्न सफल भएको हो।
सूचकांकले विश्वव्यापी शान्ति निरन्तर कमजोर हुँदै गएको देखाएको छ। मुख्य कारणका रूपमा सशस्त्र द्वन्द्व, भू-राजनीतिक तनाव र सैन्यीकरणको वृद्धि देखाइएको छ। प्रतिवेदनअनुसार अहिले सक्रिय सरकारी द्वन्द्वहरू दोस्रो विश्वयुद्धपछि सबैभन्दा उच्च स्तरमा पुगेका छन्।
१० सुरक्षित देश
आइसल्यानड
न्युजिल्यान्ड
स्विट्जरल्यान्ड
स्लोभेनिया
आयरल्यान्ड
अस्ट्रिया
पोर्चुगल
सिंगापुर
फिनल्यान्ड
जापान
आइसल्यान्डलाई लगातार १९ औँ वर्ष विश्वको सबैभन्दा शान्तिपूर्ण देशका रुपमा स्थान दिइएको छ। यसको कुनै स्थायी सेना छैन, अपराध दर धेरै कम छ, र उच्च सामाजिक विश्वास छ।
सन् २०२६ मा न्युजिल्यान्ड विश्वव्यापी रुपमा एक स्थान माथि उक्लिएको छ। स्विट्जरल्यान्ड विश्वव्यापी रुपमा तेस्रो स्थानमा छ। जब कि स्लोभेनिया दुई स्थान माथि उक्लिएर चौथो स्थानमा छ। आयरल्यान्ड विश्वव्यापी रुपमा शान्तिपूर्ण देशहरुमा पाँचौँ स्थानमा छ।
त्यस्तै अस्ट्रिया छैटौँ, पोर्चुगल सातौँ, सिंगापुर आठौँ फिनल्यान्ड नवौँ र जापान दसौँ स्थानमा छ। डेनमार्क ११ औँ स्थानमा छ।
युरोपेली देशहरु सूचीको शीर्षमा
यससूची अनुसार पश्चिमी र मध्य युरोप सबैभन्दा शान्तिपूर्ण क्षेत्रहरु रहन्छन्। पश्चिम एसिया र उत्तर अफ्रिका सबैभन्दा कम शान्तिपूर्ण छन्। गत वर्ष जीपीआईमा समावेश गरिएका ८ क्षेत्रमध्ये पूर्वी युरोप र मध्य एसियामा मात्र औसत सुधार देखिएको थियो। दक्षिण एसियामा सबैभन्दा ठूलो गिरावट आएको थियो।
यो वर्ष जीपीआईको २० औं संस्करण हो। जसले १६३ स्वतन्त्र देशहरु र क्षेत्रहरुलाई उनीहरुको शान्तिको स्तरको आधारमा स्थान दिन्छ। जसले विश्वको जनसंख्याको ९९.७ प्रतिशतलाई समेट्छ। यसले शान्तिको अवस्था मापन गर्न २३ सूचकहरु प्रयोग गर्दछ। यसले तीन क्षेत्रहरुको जाँच गर्दछः सामाजिक सुरक्षाको स्तर, घरेलु र अन्तर्राष्ट्रिय द्वन्द्वको दायरा र सैन्यीकरणको डिग्री।
यस वर्षको नतिजाले देखाउँछ कि विश्वव्यापी शान्तिको औसत स्तर गत वर्षको तुलनामा ०.७ प्रतिशतले घटेको छ। सूचकांकमा समावेश गरिएका १६३ देशहरुमध्ये ९९ देशहरुमा शान्तिको स्तर घटेको छ। जब कि ६२ वटामा शान्तिमा सुधार भएको छ। यस वर्ष ११९ देश सन् २००८ भन्दा कम शान्तिपूर्ण भएका छन्।
क्याटेगोरी : अन्तराष्ट्रिय
प्रतिक्रिया