काठमाडौं । पोखरा फाइनान्स र समृद्धि फाइनान्स मर्ज भई आज (असार २६ गते) देखि एकीकृत कारोबार सुरु भएको छ। यी दुई फाइनान्सहरू बीच एक आपसमा गाभ्ने/गाभिने कार्य सम्पन्न भई आजदेखि ‘पोखरा फाइनान्स लिमिटेड’ (PFL) को नामबाट एकीकृत कारोबार सुरु गरेका हुन्।
एकीकृत कारोबार सुरु भएसँगै यी दुई फाइनान्सको शेयर कारोबार नेपाल स्टक एक्सचेञ्ज (नेप्से) ले रोक्का गरेको छ। नेप्सेले असार २५ गते एक सूचना जारी गर्दै दुवै फाइनान्सको शेयर कारोबार रोक्का गरिएको जनाएको हो।
धितोपत्र दर्ता गराएका संगठित संस्था एक आपसमा गाभ्ने/गाभिने तथा प्राप्ति सम्बन्धी निर्देशिका, २०७९ को दफा ९(३) बमोजिम असार २६ गतेदेखि लागू हुने गरी दुवै फाइनान्सको शेयर कारोबार रोक्का राख्ने निर्णय भएको छ।
क्याटेगोरी : अर्थ
प्रतिक्रिया