काठमाडौं । साताको पहिलो कारोबार दिन नेप्से परिसूचक बढेर बन्द भएको छ। पछिल्ला दुई कारोबार दिनदेखि बढीरहेको नेप्सेले यस दिन पनि सोही क्रमलाई निरन्तरता दिएको हो।
सोमबार नेप्से परिसूचक ३८.१९ अंक बढेर २७८३.८५ विन्दुमा पुगेको छ।नेप्सेसँगै यस दिन कारोबार रकम पनि बढेको छ। अघिल्लो कारोबार दिन अर्थात गत शुक्रबार ३ अर्ब २८ करोड रुपैयाँबराबरको शेयर खरिदबिक्री भएको बजारमा यस दिन ३३२ स्टकको ६८ हजार ४४४ पटकको कारोबारमा ४ अर्ब ६१ करोड ३५ लाख ६३ हजार रुपैयाँबराबरको १ करोड ४ लाख ३९ हजार किक्ता शेयर खरिदबित्री भएको छ।
यस दिन १३ वटै उपसमूहको परिसूचक बढेको छ। जसमध्ये अन्य उपसमूहको परिसूचक सर्वाधिक २.११ प्रतिशत बढेको छ। त्यस्तै, यस दिन बैंकिङ्ग, व्यापार, विकास बैंक, जलविद्युत, वित्त, लघुवित्त, निर्जीवन बीमा, उत्पादन तथा प्रशोधन र लगानी उपसमूहको परिसूचक १ प्रतिशतभन्दा बढी बढेको छ।
कारोबार रकमका आधारमा यस दिन रिलायन्स स्पिनिङ्ग मिल्स शीर्ष स्थानमा रहेको छ। सो कम्पनीको यस दिन २१ करोड ९ लाख ९९ हजार रुपैयाँबराबरको शेयर कारोबार भएको छ। त्यस्तै, यस दिन नेशनल हाइड्रोपावरको साढे १७ करोड रुपैयाँभन्दा बढीको शेयर किनबेच भएको छ भने एसवाई प्यानल नेपालको कारोबार रकम १६ करोड रुपैयाँ नाघेको छ।
यस दिन फर्स्ट माइक्रोफाइनान्स लघुवित्त वित्तीय संस्थाको शेयरमूल्य सर्वाधिक १४।१९ प्रतिशत बढेको छ। त्यस्तै, यस दिन कुमारी धनवृद्धि योजनाको इकाइमूल्य किरब साढे ११ प्रतिशत बढेको छ भने दोल्ती पावरको शेयरमूल्य करिब साढे ८ प्रतिशत बढेको छ।
क्याटेगोरी : अर्थ
प्रतिक्रिया