काठमाडौं । नेपाली कम्युनिष्ट पार्टी नेकपा ले प्रधानमन्त्री बालेन्द्र शाहले संविधान तथा प्रतिनिधिसभा नियमावलीको उल्लङ्घन गरेको आरोप लगाएको छ।
आइतबारको प्रतिनिधिसभा बैठकमा बोल्दै नेकपाका सांसद युवराज दुलालले प्रधानमन्त्री संसद्प्रति जवाफदेही हुनुपर्ने संवैधानिक व्यवस्थाको पालना नभएको भन्दै आपत्ति जनाए। उनले प्रतिनिधिसभा नियमावली, २०८९ को दफा ५६१ अनुसार सांसदहरूले प्रधानमन्त्रीलाई प्रत्यक्ष प्रश्न सोध्न पाउने व्यवस्था रहेको स्मरण गराउँदै निर्धारित प्रक्रिया अवलम्बन नगरिएको बताए।
दुलालले नियमावलीअनुसार सांसदहरूलाई समूहमा विभाजन गरी तीन दिनअघि नै लिखित प्रश्न सभामुखसमक्ष बुझाउनुपर्ने र प्रधानमन्त्री उपस्थित हुँदा एक घण्टा प्रश्नोत्तर सञ्चालन गर्नुपर्ने व्यवस्था रहेको उल्लेख गरे।
उनले संसद्मा प्रधानमन्त्रीसँग प्रश्नोत्तरको स्पष्ट व्यवस्था हुँदाहुँदै त्यसलाई बेवास्ता गरिएको भन्दै सरकारको कदमले संविधान र नियमावली दुवैको उल्लङ्घन गरेको दाबी गरे।प्रधानमन्त्रीको जवाफ माग गर्दै विपक्षी दलहरूले लामो समयदेखि संसद्मा आवाज उठाउँदै आएका छन्।
क्याटेगोरी : राजनीति
प्रतिक्रिया