काठमाडौं। नेपाली भूमि लिपुलेक हुँदै सञ्चालन गर्न लागिएको कैलाश मानसरोवर यात्राको विषयलाई लिएर नेपाल र भारतबीच कूटनीतिकस्तरमा भनाभन सुरु भएको छ।
नेपालको परराष्ट्र मन्त्रालयले लिपुलेक, लिम्पियाधुरा र कालापानी क्षेत्र नेपालको अभिन्न भू–भाग भएको स्पष्ट पार्दै उक्त क्षेत्रमा हुने कुनै पनि गतिविधिका बारेमा भारत र चीन दुवैलाई आफ्नो कूटनीतिक अडान पुनः जानकारी गराएको छ।
१८१६ को सुगौली सन्धिअनुसार महाकाली नदीपूर्वका यी क्षेत्रहरू नेपालको हकभोगमा पर्ने भएकाले त्यहाँ सडक निर्माण, सीमा व्यापार वा तीर्थाटनजस्ता गतिविधि नगर्न नेपालले भारत सरकारलाई निरन्तर आग्रह गर्दै आएको छ।
क्याटेगोरी : समाचार
प्रतिक्रिया