काठमाडौं । गृहमन्त्री पदबाट राजीनामा दिएर छानबिन प्रक्रियामा सहभागी भएका सुधन गुरुङ पुनः गृह मन्त्रालयको नेतृत्वमा फर्किने तयारीमा रहेका छन्।
गुरुङमाथि लगाइएका आरोपबारे अध्ययन गर्न गठित संसदीय छानबिन समितिले आफ्नो प्रतिवेदनमा कुनै बेइमानी वा अनियमितताको प्रमाण फेला नपरेको निष्कर्ष निकालेको स्रोतले जनाएको छ। समितिको प्रतिवेदन सार्वजनिक भएसँगै गुरुङलाई पुनः गृहमन्त्रीको जिम्मेवारी दिने विषयमा सत्ता गठबन्धनभित्र छलफल तीव्र भएको छ।
समितिले विभिन्न निकायबाट प्राप्त कागजात, अभिलेख तथा सम्बन्धित पक्षहरूसँगको बयानका आधारमा अध्ययन गरेको जनाएको छ। प्रतिवेदनमा गुरुङविरुद्ध लगाइएका आरोप पुष्टि हुने ठोस आधार नभेटिएको उल्लेख गरिएको छ।
यद्यपि, प्रतिवेदनबारे विपक्षी दलहरूले थप छलफल आवश्यक रहेको बताएका छन् भने सत्तापक्षले समितिको निष्कर्षलाई सम्मान गर्दै अगाडि बढ्नुपर्ने धारणा राखेको छ।
यदि राजनीतिक सहमति जुटेमा गुरुङ केही दिनभित्रै पुनः गृहमन्त्रीको जिम्मेवारी सम्हाल्न सक्ने अनुमान गरिएको छ।
क्याटेगोरी : समाचार
प्रतिक्रिया