काठमाडौं । विश्व सम्पदा सूचीमा सूचीकृत तथा हिन्दु धर्मावलम्बीहरूको आस्थाको केन्द्र पशुपतिनाथ मन्दिरमा पछिल्लो १० दिनको अवधिमा ३१ लाख रुपैयाँभन्दा बढी भेटी संकलन भएको छ।
पशुपति क्षेत्र विकास कोषका अनुसार देश तथा विदेशबाट आएका भक्तजनहरूले मन्दिरमा नगद भेटी अर्पण गरेका हुन्। नियमित पूजाआजा, विशेष धार्मिक अनुष्ठान तथा दर्शनार्थीहरूको बढ्दो उपस्थितिका कारण भेटी संकलनमा उल्लेखनीय वृद्धि भएको जनाइएको छ।
कोषले भेटी तथा दान रकम मन्दिरको संरक्षण, व्यवस्थापन, धार्मिक गतिविधि सञ्चालन तथा पूर्वाधार विकासका कार्यमा उपयोग गरिने जनाएको छ।
पशुपतिनाथ मन्दिरमा दैनिक हजारौँ भक्तजन दर्शनका लागि पुग्ने गरेका छन्। पछिल्लो समय धार्मिक पर्यटनमा वृद्धि भएसँगै मन्दिरमा आउने श्रद्धालुको सङ्ख्या पनि बढ्दै गएको छ।
क्याटेगोरी : समाचार
प्रतिक्रिया