कालीमाटीमा हिजो भित्रियो ६ लाख २७ हजार किलो कृषि उपज

काठमाडौं । कालीमाटी फलफूल तथा तरकारी बजारमा सोमबार कुल ६ लाख २७ हजार ९०५ किलो कृषि उपज भित्रिएको छ।

बजारमा सबैभन्दा बढी ७३ हजार ४०० किलो सानो गोलभेडा, ५४ हजार ४०५ किलो काँक्रो, ५० हजार किलो सुकेको प्याज र ५० हजार ५०० किलो ठूलो गोलभेडा आपूर्ति भएको कालीमाटी फलफूल तथा तरकारी बजार विकास समितिले जनाएको छ । त्यस्तै, करिब ४९ हजार किलो रातो आलु र ३२ हजार किलोभन्दा बढी सेतो मूला बजारमा भित्रिएको तथ्याङ्क छ।

समितिले तोकेको मंगलबार थोक मूल्यअनुसार नेपाली ठूलो गोलभेडाको अधिकतम थोक मूल्य ७० रुपैयाँ प्रति किलो रहेको छ भने भारतीय ठूलो गोलभेडा ११० रुपैयाँसम्म पुगेको छ।

रातो आलु अधिकतम २५ रुपैयाँ, भारतीय सुकेको प्याज ३६ रुपैयाँ र स्थानीय काउली ४० रुपैयाँ प्रति किलोमा कारोबार भइरहेको छ। अन्य तरकारीहरूमा तने बोडीको अधिकतम मूल्य ४० रुपैयाँ, तितो करेला ५० रुपैयाँ, घिरौला ५० रुपैयाँ, भिण्डी ६० रुपैयाँ र स्कूस ७० रुपैयाँ प्रति किलो कायम गरिएको छ।

यसैगरी पालूगो, चमसूर र मेथीको सागको अधिकतम मूल्य ८० रुपैयाँ प्रतिकिलो छ भने हरियो प्याज १२० रुपैयाँसम्म पुगेको छ। कागतीको अधिकतम थोक मूल्य ३९० रुपैयाँ प्रति किलो रहेको छ। त्यस्तै अनार ४७० रुपैयाँ, किवि ४५० रुपैयाँ र आभोकाडो ८०० रुपैयाँ प्रति किलोको अधिकतम मूल्य कायम रहेको छ। फलफूलमा केरा प्रतिदर्जन २५० रुपैयाँ र फुजी स्याउ प्रति किलो ३०० रुपैयाँसम्म पुगेको छ।

थप समाचार

काठमाडौं महानगरमा एक हप्ताभित्र फाइल शून्य बनाउन निर्देशन

अर्घाखाँचीमा बस दुर्घटना हुँदा दुई जनाको मृत्यु, २२ घाइते

शान्ति प्रक्रियाका बाँकी काम पूरा गर्ने जिम्मेवारी सरकारको हो :…

मधेश प्रदेशमा राप्रपाको रिक्त सिटमा सरिताकुमारी ठाकुर सांसद सिफारिस

एसइई : एक महिनामै नतिजा, परिणाम पनि सुधारोन्मुख

सडक सुरक्षामा प्रविधि, जनचेतना र कानुन कार्यान्वयनमा जोड