काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछाने सहकारी बचत रकम अपचलनसम्बन्धी मुद्दाको तारिखका लागि काठमाडौं जिल्ला अदालत पुगेका छन्।
उनको सचिवालयका अनुसार रूपन्देही जिल्ला अदालतको अनुमतिअनुसार लामिछाने बिहीबार दिउँसो काठमाडौं जिल्ला अदालत उपस्थित भएका हुन्।
लामिछानेविरुद्ध विभिन्न सहकारी संस्थाको बचत रकम अपचलनसम्बन्धी मुद्दा अदालतमा विचाराधीन रहेको छ। सोही मुद्दाको नियमित कानुनी प्रक्रियाअन्तर्गत उनी तारिखमा उपस्थित भएको सचिवालयले जनाएको छ।
हाल उक्त मुद्दामा सम्बन्धित अदालतहरूमा सुनुवाइ तथा कानुनी प्रक्रिया जारी रहेको छ। यसअघि पनि लामिछाने विभिन्न अदालतमा उपस्थित हुँदै आएका छन्।
सहकारी बचत रकम हिनामिनासम्बन्धी प्रकरण पछिल्लो समय नेपाली राजनीतिक वृत्तमा व्यापक रूपमा चर्चाको विषय बनेको छ।
क्याटेगोरी : समाचार
प्रतिक्रिया