काठमाडौं । नेपाली कम्युनिस्ट पार्टीको केन्द्रीय समितिको बैठक आज अपराह्न ४:३० बजे बस्ने भएको छ। भर्चुअल माध्यम (जुम) बाट सञ्चालन हुने सो बैठकका लागि पार्टीका मुख्यसचिव गणेशमान पुनले सूचना जारी गरेका छन्।
पार्टीले बैठकमा सहभागी हुनका लागि आवश्यक जुम आईडी यसअघि नै सबै केन्द्रीय सदस्यहरूलाई उपलब्ध गराइसकेको जनाएको छ। साथै, कुनै कारणवश आईडी प्राप्त नगरेका सदस्यहरूलाई सम्पर्क गरी बैठकमा अनिवार्य सहभागी हुन पार्टीले विशेष अनुरोध गरेको छ।
बैठकको सुरुमा शहीदहरूप्रति सम्मान प्रकट गर्दै एक मिनेट मौनधारण गरिने कार्यक्रम रहेको छ। त्यसलगत्तै पार्टीको नियमावली तथा आचारसंहितामाथि छलफल हुनेछ भने पार्टी सदस्यताको नवीकरण र विस्तारको पछिल्लो अवस्थाबारे समीक्षा गरिनेछ।
बैठकको अन्त्यमा पार्टीका संयोजक र सहसंयोजकले समसामयिक राजनीतिक परिस्थिति र पार्टीको आगामी सङ्गठनात्मक कार्यदिशाका विषयमा सम्बोधन गर्दै आवश्यक निर्देशन दिने कार्यक्रम तय गरिएको छ।
क्याटेगोरी : राजनीति
प्रतिक्रिया