काठमाडौं । राष्ट्रिय स्वतन्त्र पार्टी (रास्वपा) को पदाधिकारीका लागि भएको मतदान केही समय अगाडी सकिएको छ ।
तोकिएको समय सकिएसँगै मतदान सम्पन्न भएको हो । मतदानमा १२८९ मत खसेको निर्वाचन आयोग स्रोतले जनाएको छ ।
रास्वपा केन्द्रीय सदस्यमा २ हजार ९५९ मत खसेको थियो । अधिवेशन लम्बिएर प्रतिनिधिहरू मतदान नगरी फर्किएपछि पदाधिकारीमा मतदान गर्नेको संख्या न्यून देखिएको हो ।
केन्द्रीय सदस्यको भन्दा १ हजार ६ सय ७० जना कम प्रतिनिधिले पदाधिकारीका लागि मतदान गरेका हुन् ।
आजै केहीबेरमा पदाधिकारीको नतिजा सार्वजनिक गरिने बताइएको छ ।
गत असार ७ गतेदेखि जारी महाधिवेशन आज समापन गर्ने तयारी रास्वपाको छ ।
५ जना पदाधिकारीका लागि निर्वाचन भएको हो ।
क्याटेगोरी : राजनीति
प्रतिक्रिया