काठमाडौं । भारतको अर्थतन्त्रले आर्थिक वर्ष २०२५–२६ (अप्रिल २०२५–मार्च २०२६) मा ७.७ प्रतिशतको वास्तविक कुल गार्हस्थ्य उत्पादन (जिडिपी) वृद्धिदर हासिल गर्ने अनुमान गरिएको छ।
भारत सरकारले सार्वजनिक गरेको तथ्याङ्कअनुसार यो वृद्धि अघिल्लो आर्थिक वर्ष २०२४–२५ मा दर्ज भएको ७.१ प्रतिशतको तुलनामा उच्च हो।
मध्यपूर्वमा जारी भू–राजनीतिक तनावका बाबजुद भारतीय अर्थतन्त्रले सुदृढ उत्थानशीलता देखाएको उल्लेख गरिएको छ। तथ्याङ्क तथा कार्यक्रम कार्यान्वयन मन्त्रालयका अनुसार जनवरी–मार्च त्रैमासिकमा मात्र ७.८ प्रतिशतको आर्थिक वृद्धि दर्ता भएको छ।
क्षेत्रगत रूपमा हेर्दा कृषि तथा मत्स्यपालन क्षेत्रको सुधारसँगै प्राथमिक क्षेत्रमा ३.२ प्रतिशतको वृद्धि देखिएको छ। त्यस्तै उत्पादन, व्यापार, होटल, यातायात, सञ्चार तथा प्रसारण, र घरजग्गा (रियल इस्टेट) जस्ता क्षेत्रहरूले गत आर्थिक वर्षमा दोहोरो अंकको वृद्धि हासिल गरेको तथ्याङ्कमा उल्लेख छ।
क्याटेगोरी : अन्तराष्ट्रिय
प्रतिक्रिया