काठमाडौं । सिंगापुरमा जारी एसियन गेम्स पुरुष टी–२० क्रिकेट क्वालिफायरअन्तर्गत चीनविरुद्धको खेलमा नेपाली राष्ट्रिय टोलीका ओपनर कुशल भुर्तेलले ऐतिहासिक ब्याटिङ प्रदर्शन गरेका छन्। उनले एकै ओभरमा लगातार ६ छक्का प्रहार गर्दै नेपाली क्रिकेटमा अर्को स्वर्णिम अध्याय थपेका छन्।
सिंगापुर नेशनल क्रिकेट ग्राउन्डमा टस हारेर पहिले ब्याटिङमा उत्रिएको नेपालका लागि भुर्तेलले नवौं ओभरमा चिनियाँ बलर जोङ युचाओमाथि पूर्ण रूपमा हाबी हुँदै लगातार ६ बलमा ६ छक्का प्रहार गरे। उनको विस्फोटक इनिङ्सले मैदानमा उत्साहको लहर सिर्जना गर्नुका साथै नेपाली समर्थकलाई रोमाञ्चित बनायो।
यस उपलब्धिसँगै भुर्तेल टी–२० अन्तर्राष्ट्रिय क्रिकेटमा एकै ओभरमा ६ छक्का प्रहार गर्ने दुर्लभ खेलाडीहरूको सूचीमा समावेश भएका छन्। यसअघि नेपालका दीपेन्द्र सिंह ऐरीले मंगोलिया र कतारविरुद्धको खेलमा यस्तो कीर्तिमान बनाएका थिए।
क्याटेगोरी : खेलकुद
प्रतिक्रिया